D e n o h k á !
E n o u g h !

Birasdáiddaráhkadusa dahkkin leat logi sámenuora badjebearrašiin davimus Suomas ja logi Greenpeace aktivista Suomas, Hollanddas ja Fránskkas. Ráhkadusa mihttun lea 50 geardde 50 mehtera ja dan válmmaštallamat álggahuvvujedje bearjadaga.

- Mii maid leat fuolas vuovdečuollamiin ja hálidat doarjut badjeolbmuid vikkámušaid. Boazodoallu lea stuorrá oassi sámekultuvrras ja mis lea nana identitehta. Mii leat máŋgga nuorra badjealbmá ja –nissona. Mii jáhkkit dán eallinvuohkái ja hálidat dáistalit dan ovddas, dadjá ráhkadusa dahkamii oassálastán Inka Saara Artijeff Njellima siiddas.

- Eallit badjealmmájin ii leat beare ámmát, dat lea eallinvuohki. Jus vuovddit čullojuvvojit, de bohccologuid galgá unnidit ja seammas jávkket bargosajit boazodoalus. Mii nuorat leat oalle fuolas dán ᚚis, muitala Keijo Pirttijärvi Muotkeduoddara bálgosis.

Stáhta buores vuvddiid čuollamat gáržžihit árbevirolaš boazodoalu hárjehanvejolašvuođaid. Vuovdečuollamat bilidit bohccuid guođohanguovlluid ja vaháigahttet boazobargguid. Sámeguovllu siskobealde boazodoalloláhka, vuođđoláhka ja riikkaidgaskasaš olmmošvuoigatvuohtasoahpamušat dorvvastit boazodoalu. Liikká stáhta čuollá vuvddiid dakkár vugiiguin, maid ii sáhte dohkkehit.

Greenpeace vuođđudii njukčamánus nu gohččoduvvon vuovdeguovddáža Anárii. Dainna lágiin hálidit čájehit doarjaga sámebadjeolbmuid gáibadusaide vuoiggalaš mehciid geavaheamis. Anára meahccebálgosiid eanetlohku ráhkadii ovttas Greenpeaciin ja Suoma luonddusuodjalanlihtuin kártáid deahálamos guohtunguovlluin jagis 2003. Birasdáiddaráhkadus joatká vikkámušaid giddet fuobmášumi davimus Suoma stáhta hálddašan vuvddiid suodjaleapmái ja heivvolaš čovdosa gávdnamii buohkaid buorrin.

Lassedieđut:
Inka Saara Arttijeff, Njellima siida, + 358 400 534 628
Keijo Pirttijärvi, Muotkeduoddara bálggus, +358 40 700 6487