Vuovdeguovddáža bargiin váldooassin lea suopmelaččat. Mielde leat maiddái Greenpeace bargit ja friidjadahtolaš olbmot sierra guovlluin máilmmis nugo Ruoŧas, Norggas, Duiskkas, Eestieatnamis, Irlanddas, Aoteareas (Oðða Zealanddas), Stuorrá-Britannias ja Hollanddas.

- Boazoealáhusa vulosvuodjin guohttuneatnamiid bilideaddji stáhta vuovdečuollamiin lea duoðalaš ᚚi, mii dárbbaša fuopmášumi sihke ruovttu- ja olgoriikkain. Mii doarjut badjeolbmuid gáibádusaid daningo Greenpeace guottiha juohke sajis máilmmis ekologalaččat bistevaš luonddu geavaheami. Davvi-Suomas čuollamiid dihtii uhkiduvvon guohttunguovllut leat dábálaččat maid luonddusuodjalan oainnu mielde mávssolaččat nappo boares vuovddit, mat leat luonddudilis, lohka Greenpeace vuovdevástideaddji Matti Liimatainen.

Boazodoalloláhka suodjala friidja guoðuhuvvon boazodoalu. Lága mielde stáhta eatnamiid geavaheapmi ii galgga dagahit mearkkašahtti vahágiid boazodollui. Dasa lassin riikkaidgaskkasaš soahpamušat ja Suoma vuoððoláhka dorvvastit sápmelaččaide vuoigatvuoða hárjehit kulttuvrras ja boazodoalu.

- Lea váidalahtti, ahte Suopma rihkku riikkaidgaskkasaš soahpamušaid ja badjeolbmuid olmmošvuoigatvuoðaid čuollamiin mávssolaš guohttuneatnamiid. ON:id olmmošvuoigatvuoðakomissio fuobmášahtii ᚚi birra mannan skábmamánus. Virgeolbmot galget čoavdit dili iige álohii sirdit čoavdima seamma áigge go čuollamat joatkášuvvet, Matti Liimatainen lohká.

Anára vuovdedoalloguovllu bálgosat reivvestis jagis 2002 mearrideaddjiide gáibidedje čuollamiid luohpaheami boazodollui deahálaš vuovdeguovlluin. Bálgosat dárkkidedje iežaset gáibádusaid jagis 2003 ráhkademiin kárttaid ovttas birasorganisašuvnnaiguin deahálaš guohttunguovlluin. Virgeolbmot eai leat čoavdán váttisvuoðaid, dan sadjái vuovdečuollamat ain joatkášuvvet seamma áigge go ealáhusaid oktiiheiveheapmi dutkojuvvo ja earálágan doaibmaplánat ráhkaduvvojit.

Meahccedutkanlágadusa gieskat almmustuvvon dutkamusaid mielde anárlaččaid mielas buot lundui vuoðuštuvvon ealáhusain lea vuoððoprinsihpas vejolašvuohta doaibmat gielddas. Eanemusat várrejumit čujuhuvvujedje vuovdedoalu ektui: sihke boazodoalu ahte mátkeealáhusa ovddásteaddjit oaivvildit vuovdedoalu váttisin.

Eambbo dieðut:
Matti Liimatainen, vuovdevástideaddji, Greenpeace, +358 400 346 329
Jarmo Pyykkö, vuovdeᚚedovdi, Greenpeace, +358 40 833 7609
Outi Jääskö, badjeolmmoš, (máhttá sámegiela), Muotkaduoddara bálggus, +358 40 844 6219

Anára vuovdeguovddáža dahje Forest Rescue Station beaivegirji ja duogášdieðut:
http://weblog.greenpeace.org/metsa/
eŋgalsgillii:
http://weblog.greenpeace.org/forestrescue

Eará fierpmádatsiiddut: Anára bálgosat:
http://www.inarinpaliskunnat.org

Davvi-Suoma vuvddiid bistevaš geavaheapmi – prošeakta, Meahccedutkanlágádusa materiaala:
http://www.metla.fi/tapahtumat/2005/yla-lapin-metsat-saariselka/ohjelma.htm