Valkostur fyrir Ísland

• Íslendingar hættu hvalveiðum fyrir rúmum 14 árum síðan og hafa undanfarin ár lagt áherslu á vistvæna ferðaþjónustu í formi hvalaskoðunar sem samkvæmt mati Geirs Oddssonar hagfræðings, skilaði um 580 milljónum króna í þjóðarbúið árið 2002.
• Hvalaskoðun fer nú fremst í flokki vistvænnar og náttúrutengdrar ferðaþjónustu á Íslandi en ferðaþjónusta stendur næst á eftir sjávarútvegi hvað efnahagslegan ávinning varðar.
• Geenpeace hyggjast leggja þeim lið sem vilja stöðva þær vísindaveiðar sem ætlað er að nota sem skálkaskól til að hefja aftur iðnaðarhvalveiðar.

• Meðlimir úr Greenpeace hafa ferðast um Ísland, kynnt málstað sinn og skiptst á skoðunum við Íslendinga um land allt.
• Tilboð okkar um að finna ábyrga og sjálfbæra valkosti í samstarfi við Íslendinga stendur óhaggað um leið og við bíðum svars af hálfu íslensku ríkisstjórnarinnar.

Standa Greenpeace-samtökin ein í baráttunni gegn hvalveiðum?

• Ríkisstjórnir Þýskalands, Bretlands, Bandaríkjanna, og Svíþjóðar eru meðal þeirra þjóða sem sem harðlega gagnrýna þær forsendur sem Íslendingar leggja til grundvallar hvalveiðum.
• Samkvæmt tölum Hagstofu Íslands og Utanríkisráðuneytisins frá því í janúar 2002 eru þessar sömu þjóðir mikilvægustu viðskiptaþjóðir Íslendinga í ferðaþjónustu eða Þýskaland 12,7%, Bretland 10,6%, Bandaríkin 9,6%, Svíþjóð 7%

Hvað geta Greenpeace boðið Íslendingum?

• Á vefsíðu samtakanna og með ýmsum öðrum boðleiðum verða 2,8 milljónir stuðningmanna Greenpeace um allan heim hvattir til að ferðast til Íslands og standa þannig vörð um viðkvæma náttúru landsins.
• Ef einungis einn hundraðshluti af einu prósenti skráðra stuðningsmanna Greenpeace heimsækja Ísland í kjölfar aðgerðanna, má ætla að fjárhagslegur ávinningur þess nemi á bilinu 20 - 30 milljónum króna.
• Tilboð okkar um samstarf við Íslendinga stendur óhaggað en við bíðum enn svars íslensku ríkisstjórnarinnar. Greenpeace samtökin hafa mjög sterka stöðu í þeim löndum þaðan sem flestir ferðamenn koma til Íslands og eru samtökin tilbúin til að nýta sér þá aðstöðu til að efla vistvæna ferðaþjónustu á Íslandi.
• Greenpeace veita Íslendingum aðstoð við að knýja stjórnvöld til að;

stöðva áframhaldandi vísindaveiðar á hvölum leggja af öll áform um hvalveiðar í hagnaðarskyni undirrita bann við viðskipum með hvalaafurðir í samræmi við samþykktir CITES

Vísindaleg rök fyrir veiðum?

• Í fréttatilkynningu dagsett 28. sepember 2003 vara Náttúruverndarsamtök Íslands "...eindregið við svokölluðum vísindaveiðum á hrefnu sem skaða ímynd þjóðarinnar á alþjóðavettvangi." . Ennfremur segja samtökin að "Athuganir Hafrannsóknastofnunar á fæðuvali hrefna eru ónauðsynlegar og þjóna ekki á nokkurn hátt starfi vísindanefndar Alþjóðahvalveiðiráðsins sem miðar að sem öruggustu stofnstærðarmati hvalategunda og endurskoðun stjórnkerfis fyrir hvalveiðar.".
• Ákvörðun íslensku ríkisstjórnarinnar um að hefja aftur hvalveiðar byggir á afar veikum grunni. Litlu skiptir hvort hluti þorsks af fæðu hrefna sé þrjú eða sex prósent og hinar sjálfbæru veiðar munu hafa lítil sem engin áhrif á stofnstærð nitjafiska við Ísland. Til að hafa merkjanleg áhrif á fiskistofna þyrfti minnka hrefnustofninn um helming eða meira á næstu árum en slíkar veiðar yrðu ekki sjálbærar og standa ekki til. Ennfremur eru engar vísindalegar rannsóknir sem sýna fram á samband milli aukins afla sjávarútvegsins og fækkunar í hrefnustofninum við strendur Íslands.
• Óvíst er hvort hægt verði að flytja út hrefnukjöt til Japan. Meðal annars vegna þess að Japanir óttast mjög hið háa magn þrávirkra eiturefna sem fundist hefur í hvalaafurðum úr Norður Atlantshafi. Japönsk neytendasamtök tilkynntu að rannsóknir National Veterinary Institute í Osló og norska Dýralæknaháskólans sýndu að magn PCB-efna í hvalaafurðum úr Norður Atlantshafi væru 3,8ppm. Í Japan er leyfilegt hámark PCB-efna í sjáfarafurðum hins vegar aðeins 0,5ppm.