Hafið

Lífið í úthöfum er í ótrúlegum stærðum og gerðum allt frá örsmáu svifi til stærstu dýra á jörðinni.

Hver og ein þessara tegunda er hluti af flóknu vistkerfi hafsins og enn í dag vitum við lítið um hvaða áhrif mannleg starfsemi hefur á lífríkið.

Fjöldi þekktra tegunda sem lifa í úthöfunum er um 178.000 en talið er að könnun djúpsjávar geti leitt í ljós yfir milljón fleiri tegundir.

Ofveiði, mengun og ýmsar aðrar athafnir mannanna hafa gert það að verkum að ýmsar tegundir eru útdauðar og enn fleiri eru í útrýmingarhættu.

Höfin þekja yfir tvo þriðju af yfirborði jarðar en auðlindir þeirra eru þó ekki ótakmarkaðar. Allt of lengi hefur aðgengi að úthöfunum staðið opið öllum þeim sem hafa viljað. Örar tækniframfarir hafa auðveldað aðgengi að auðlindum sjávar mun hraðar en náttúran fær viðhaldið. Verði ekki brugðist við mun það hafa alvarlegar afleiðingar fyrir bæði lífríki sjávar og fyrir það fólk sem byggir afkomu sína á helbrigði vistkerfis hafsins.

Barátta Greenpeace fyrir verndun sjávar beinist að nokkrum megin þáttum - ofveiði, ólöglegum veiðum, hvalveiðum, mengun sjávar og stórtæku fiskeldi.